Ata pronto

Bos días nenos e nenas de 6º:

Rematou o 2º trimestre tan atípico e peculiar e comezamos as vacacións de Semana Santa, tamén atípicas e peculiares.

Neste período de tempo paramos a asignación e subida de tarefas ata a volta que será o martes 14, co comezo do 3º trimestres. De momento non avanzamos novidades, que contaremos á volta se as houbese.

Seguide organizando a xornada coa axuda das familias para levar mellor este momento, é indispensable. Aproveitade esta semana para facer cousas diferentes, quen sabe ... podedes descubrir novas aficións.

Deixamos a última versión de "Resistiré" para que a vexades e tamén a cantedes (que nesta situación a música axuda moitísimo, facede a proba).

Sabemos que o estades a facer moi ben, así que adiante, que esto o superamos.

Grazas polo que estades a facer. Nós tamén vos damos un grande aplauso. Ata pronto.

Bicos e apertas virtuais.

                             Lucía e Conchi